O'zbekiston Olimpiada o'yinlarida: 2000 yil

SHu munosabat bilan vatanimiz sportchilarining bugungi kungacha bo'lib o'tgan Olimpiada o'yinlaridagi ishtiroklari haqida qisqacha malumot berib o'tamiz.

Bundan bir necha kun oldin yurtdoshlarimizning 1996 yilgi Atlanta Olimpiadasidagi ishtiroklari haqida malumotlar taqdim etgandik. Bugun Sidney-2000 o'yinlari haqida gaplashamiz.

2000 yilgi yozgi Olimpiada o'yinlari 15 sentyabr - 1 oktyabr kunlari Avstraliyaning Sidney shahrida bo'lib o'tgan.

Ushbu musobaqada 70 nafar sportchi yurtimiz sharafini himoya qilgan. SHulardan, 52 nafari erkak, 18 nafari ayol sportchilarimiz 12 ta musobaqada o'z omadlarini sinab ko'rganlar.

Hamyurtlarimiz ishtirok etgan sport turlari:

Engil atletika
Boks
Baydarka va kanoeda eshkak eshish
Qilichbozlik
Badiiy gimnastika
Dzyudo
O'q otish
Suzish
Tennis
Trampolin
Og'ir atletika
Kurash

Olimpiada ochilishida bokschimiz Muhammadqodir Abdullaev O'zbekiston bayroqdori bo'lgan.

2000-yilgi Olimpiadada sportchilarimiz 4 ta medalni qo'lga kiritganlar.

Ular:

Muhammadqodir Abdullaev - oltin (boks)

Artur Taymazov - kumush (kurash)

Sergey Mixaylov - bronza (boks)

Rustam Saidov - bronza (boks)

Ushbu Olimpiadada shuningdek Go'zal Hubbieva, Oksana CHusovitina, O'tkirbek Haydarov, Ruslan CHagaev, Ekatirina Xilko, Kamol Murodov, Abdullo Tangriev, Iroda To'laganova  kabi sportchilarimiz ham ishtirok etganlar.

O'sha yili sportchilarimiz orasida eng yosh sportchi - suzuvchi Mariya Bugakova (15 yosh, 73 kun) bo'lgan.

Yoshi eng katta sportchimiz esa Maxarbek Xaradcev (34 yosh, 363 kun) bo'lgan. U erkin kurash musobaqalarida yurtimiz sharafini himoya qilgandi.

Aziz To'xtamurodov tayyorladi