"Qo'qon-1912": Jamoamizni yana uch nafar futbolchi tark etdi

No'mon Xasanov boshchiligidagi murabbiylar shtabi tarkibni kuchaytirish, futbolchilarning jismoniy holatlarini yaxshilash borasida tinmay izlanmoqdalar.

Bundan avval jamoa lagerini 8 nafar futbolchi tark etgani haqida xabar bergan edik. Bugun jamoa murabbiylari yana uch futbolchiga javob berishga qaror qilishdi.

Bular Mirjalol Qurbonov, Otabek Haydarov va Furqat Xasanboevlar. Har uchchala futbolchiga jamoamiz rahbariyati , murabbiylar shtabi va muxlislarimiz nomidan jamoada ko'rsatgan faoliyatlari uchun minnatdorchilik bildiramiz. Yuqorida nomlari ko'rsatilgan futbolchilar hali o'zbek futbolida o'zlarini ko'rsatadilar deb umid qilamiz va ularga kelgusi faoliyatlarida omad yor bo'lishini tilab qolamiz.

Jamoaga kimlar kelgani haqida ham tez orada siz aziz muxlislarga xabar etkazamiz.