Breaking News: Sergey Lushan istefoga chiqarildi!
/ Kiritdi: BestMaster O'qilgan: 1400
Bizga etib kelgan xabarlarga ko'ra, "Bunyodkor" jamoasi bosh murabbiyi Sergey Lushan o'z vazifasidan ozod etilgan.
"Bunyodkor" oliy ligadagi 9 mavsumida ilk bor "Neftchi"ga qarshi ikki o'yinda imkoniyatni boy berdi. Birinchi davrada o'z maydonida 0:1 hisobida mag'lubiyatga uchragan "qaldirg'ochlar" kuni kecha Farg'onada 0:2 hisobida imkoniyatni boy berdilar. Aftidan, bu klub rahbariyatini etiroziga sabab bo'lgan.
Ertaga jamoa "So'g'diyona"ga qarshi bahs olib boradi. Bu o'yinda "Bunyodkor"ga kim ustozlik qilishini tez orada bilib olamiz.
Ayni paytda eng maqul nomzod - Mirjalol Qosimov. U avval ham "Bunyodkor" tizimida ko'p yillar faoliyat yuritgan va klubdagi holatni boshqalardan yaxshiroq tushunadi.
Bu oliy ligada Aleksandr Mochinov ("Buxoro"), Edger Gess ("Andijon") va Murod Ismoilovdan ("Neftchi") keyin to'rtinchi istefo bo'ldi.
Bosh sahifaga
238
