"Navbahor": Toshkentda “So'g'diyona” bilan ham o'ynaymiz

Ertaga bo'lib o'tadigan ertalabki mashg'ulotdan keyin esa Bo'stonliq tumanida tashkil etilgan yig'in yakuniga etadi. Futbolchilar bir kunlik dam olishdan keyin 21 iyul kuni navbatdagi yig'inni o'tkazish maqsadida Toshkentda to'planishadi. Jamoa azolari ikkinchi davraga tayyorgarlikning yakuniy qismini aynan poytaxtda o'tkazishadi.

Avval Toshkentdagi mashg'ulotlar davomida ikkita nazorat o'yini o'tkazish borasida xabar berib o'tgandik. Ushbu rejaga biroz o'zgartirish kiritilganligini aytib o'tish joiz. Yani, jamoamiz 26 iyul sanasida ham maydonga tushadigan bo'ldi. Poytaxtdagi ikkinchi uchrashuvda futbolchilarimiz Jizzaxning “So'g'diyona” klubi bilan bahs yuritishadi. Dastlabki o'yin esa 23 iyul kuni “Buxoro” jamoasiga qarshi bo'lib o'tadi. So'nggi o'yin esa 27 iyul sanasiga belgilangan. Hozircha so'nggi o'yindagi raqib nomiga oydinlik kiritilganicha yo'q.