"Bunyodkor": Jamoa uchun masuliyat Baxtiyor Boboev zimmasiga yuklatildi
/ Kiritdi: BestMaster O'qilgan: 1257
Sergey Lushchan istefo bergach bundan keyin “Bunyodkor” FK bosh murabbiyi sifatida asosiy jamoaga kim javob beradi degan savol ko'rib chiqildi.
“Bunyodkor” FK rahbariyati asosiy jamoaning O'zbekiston chempionati va kubogidagi ishtiroklari uchun javobgarlik masuliyatini klubning bosh direktori Baxtiyor Boboev zimmasiga yuklatish lozimligini maqul topdi.
Baxtiyor Boboev futbol jamoatchiligida bir qancha jamoalardagi ishtiroki, shuningdek “Kosonsoychi” va “Navbahor” jamoalaridagi murabbiyligi bilan yaxshi tanish. 1996 yili Baxtiyor Boboev boshchiligida “Navbahor” mamlakat chempionligini qo'lga kiritgan edi.
U Muborakning “Mashal” futbol maktabini tashkil etish va shakllantirishda katta hissa qo'shgan.
2007 yildan buyon “Bunyodkor” FKda faoliyat yuritib kelmoqda. Avvaliga klubning sport direktori, keyinchalik bosh direktor lavozimida faoliyat yuritib kelmoqda. Baxtiyor Boboev klub tizimidagi barcha ishlarga doimo boshchilik qilgan. SHuningdek, murabbiylar shtabi va asosiy tarkibdagi futbolchilarning imkoniyatlarini yaxshi biladigan mataxassis hisoblanadi.
2015 yilgi mavsumning yakuniy bosqichidagi masuliyatli uchrashuvlarda Baxtiyor Boboev va jamoalarimizga muvaffaqiyatlar tilaymiz.
Bosh sahifaga
1931