"Navbahor": Isoqjonov Toshkent yig'inida safga qo'shiladi

Rejaga ko'ra futbolchilarimizning Toshkentdagi yig'ini 21 iyul kuni boshlanishi kerak edi. So'nggi pallada mashg'ulotlarni 22 iyuldan o'tkazilishi malum qilindi. Avval xabar berib o'tganimizdek, Toshkentdagi yig'inda jamoa safiga yangi futbolchilar qo'shilishi ko'zda tutilgandi. Bundan biroz vaqt oldin birinchi davrani “Andijon” safida o'tkazgan futbolchi Islom Isoqjonovni Toshkentdagi yig'inda qatnashishi hal qilindi. Aslin Namangan futboli tarbiyalanuvchisi hisoblangan Isoqjonov jamoamizning mavsum boshida tashkil etilgan mashg'ulotlarida ham qatnashgandi. Bundan tashqari poytaxtdagi yig'in chog'ida gonduraslik Gustavo Armando Alvarado Rubi (10.11.1990) va rossiyalik Dordji Sangadjiev (19.02.1996)larni tarkibga qo'shilishlari kutilmoqda. Gustavo hujum chizig'ida harakat qilsa Dordji yarim himoyachi sanaladi. Gustavo oldin Gondurasning “Motagua” klubii sharafini himoya qilgan. Sangadjiev esa joriy yilgi mavsum birinchi yarmini Maxachqalaning “Anji” jamoasi safida o'tkazdi. Ushbu futbolchilar murabbiylarda yaxshi taassurot qoldirishsa ikkinchi davrani “Navbahor”da o'tkazish imkoniga ega bo'lishadi.