O'zbekiston yoshlar terma jamoasi Singapurdagi turnirda eronlik tengdoshlariga mag'lub bo'ldi

Ushbu yig'in doirasida Jasur Abduraimov boshchilik qilayotgan O'zbekiston yoshlar terma jamoasi, bugun, 20 iyul kuni Singapur Futbol Asociaciyasi tomonidan o'tkazilayotgan 21 yoshgacha bo'lgan futbolchilardan tashkil topgan terma jamoalar o'rtasidagi xalqaro turnir doirasida Eron U-19 terma jamoasiga qarshi maydonga tushdi.

Uchrashuv asosiy vaqti durang natija bilan yakunlandi. Avvaliga, 18-daqiqada eronliklar hisobni ochgan bo'lsalar, uchrashuv asosiy vaqtiga qo'shib berilgan daqiqalar o'tib borayotgan bir pallada SHarof Muhiddinov hisobni tenglashtirdi.

O'yin yakunlanishi bilan penaltilar seriyasi o'tkazildi va unda Eron yoshlar terma jamoasi 5:4 hisobida g'alaba qozondi.

O'zbekiston yoshlar terma jamoasining Singapurdagi yig'ini 24 iyulgacha davom etadi.

FAS U-21 International Challenge Cup

Eron U-19 – O'zbekiston U-19 1:1 (pen. 5:4)

Gollar: Ali Taheron (18) – SHarof Muhiddinov (90+3)

O'zbekiston U-19: Umid Hamroev, Islom Qobilov, Oybek Rustamov, Xojakbar Alijonov, Xushnudbek Avilov, Azizjon G'aniev, Saidjamol Davlatjonov, SHarof Muhiddinov, Nurillo To'xtasinov, Doston Ibragimov, Bobir Abduxoliqov.

Zaxira: Umidjon Ergashev, Jamshid Yusupov, Suxrob Nurilloev, Sanjar Qodirqulov, Azizbek Suyunov, Xusniddin G'ofurov, Begzod G'anijonov.