Milliy terma jamoamiz “Ufa” bilan durang o'ynadi

Bellashuvda hisob 2-daqiqadayoq ochildi. Stockiy milliy terma jamoamiz jarima maydonchasiga kirib, jamoadoshi Marsinoni to'p bilan taminladi. Braziliyalik futbolchiga darvozani ishg'ol qilish uchun to'p yo'nalishini o'zgartirish etarli bo'ldi. 

Birinchi bo'lim o'rtalariga kelib, futbolchilarimiz raqib darvozasini ketma-ket ikki bor ishg'ol qildi. Avvaliga SHomurodov burchak to'pidan keyin hisobni tenglashtirgan bo'lsa, oradan ikki daqiqa o'tib, Iskanderov uzoq masofadan “Ufa” darvozasini nishonga oldi. 

Ikkinchi bo'lim raqibning hujumlari bilan boshlandi. Bu 59-daqiqada penalti bilan yakunlandi. Nuqtaga yaqinlashgan Marsino o'z dublini nishonlab, uchrashuvga nuqta qo'ygan golga mualliflik qildi.

Eslatib o'tamiz, milliy terma jamoamiz bugun Avstriya yig'inini yakunlab, yurtimizga qaytib keladi va 24 iyul kuni “Bunyodkor” stadionida Iroqqa qarshi maydonga tushadi.  

NAZORAT UCHRASHUVI

“UFA” (Rossiya, Ufa) – O'ZBEKISTON – 2:2 (1:2)

20 iyul. Avstriya. Mayrxofen

“Ufa”: SHeliya, Stockiy, Tumasyan (Nikitin, 70), Vasin, Safronidi (Suxov, 70), Oblyakov (Slay, 70), Bezdenejnix (Batyutin, 70), Vanek (Zaseev, 70), Marsino (Zubarev, 70), Krotov (Sisuev, 70), Diego. 

O'zbekiston: Nesterov, Tojiev, Merzlyakov, SHorahmedov, Iskanderov, Sohibov, SHukurov, Andreev, Ahmedov, Karimov, SHomurodov. 

Gollar: Marsino, 2 - 1:0. SHomurodov, 19 - 1:1. Iskanderov, 21 - 1:2. Marsino, 59 – 2:2.