“Metallurg”: “Obod”ga imkoniyat boy berildi
/ Kiritdi: BestMaster O'qilgan: 958
Davralar oralig'idagi tanaffusdan keyin Toshkent viloyati CHorvoq tog' hududida jismoniy tiklanish mashg'ulotlarini o'tab bo'ldi.
CHirchiq shahriga qaytib tushgan Bekobodning “Metallurg” jamoasi kecha Qibrayda Toshkentning “Obod” jamoasiga qarshi nazorat uchrashuvini o'tkazdi.
O'yin poytaxtliklarning 1:0 hisobidagi g'alabasi bilan yakunlandi. Yagona gol “Metallurg” himoyachisi Jasur Ahmedov hisobiga yozildi – avtogol. “Metallurg” murabbiylari o'yin davomida ixtiyorlaridagi barcha o'yinchilarni sinab ko'rishga qaror qilishdi. SHu boisdan ham ikkita taymda maydonda boshqa bashqa tarkiblar harakat qilishdi. Bevosita o'yinni kuzatish jarayonida “Metallurg” o'yinchilari jismoniy yuklamadan to'liq chiqib ketmaganligi sezildi. Poytaxtliklar esa aksincha juda erkin va engil o'yin namoyish etishdi.
Ikkinchi davra arafasida G'uzorning “SHo'rtan” jamoasida mashg'ulotlarda qatnashgan Ulug'bek Xudoyberdiev yana bekobodliklar safiga kelib qo'shildi. Jamoa hujumchilaridan SHohnazar Norbekov (“Olmaliq”) hamda Jasur Hakimov (“Paxtakor”) va himoyachi Vusol Magerramov (“SHo'rtan”)larning ikkinchi davrani boshqa klublarda o'tkazishlari ehtimoli yuqori. O'z navbatida “Metallurg” tarkibida ham yangi o'yinchilar paydo bo'lishi kutilyapti. Bu masalalarning barchasi transfer oynasi yopilguncha oydinlashadi.
"Metallurg" matbuot xizmati
Bosh sahifaga
253
