Murod Ismoilov: "Yangi futbolchilar "Neftchi"ni kuchaytirishiga ishonaman"

2016-07-21 17:10:01 / Kiritdi: BestMaster O'qilgan: 1077

"Neftchi" - "Buxoro" (2:3) o'rtasidagi o'rtoqlik uchrashuvidan so'ng farg'onaliklar katta murabbiyi Murod Ismoilov o'z fikrlarini bildirdi.

"Ikkinchi davraga tayyorgarlikning birinchi qismini 9-20 iyul oralig'ida Dukentda o'tkazdik. U erda futbolchilarga asosan jismoniy yuklamalar berildi.

Bugun reja bo'yicha dastlabki o'rtoqlik uchrashuvini "Buxoro"ga qarshi o'tkazdik. Futbolchilar tog'da berilgan yuklamalardan so'ng ilk o'yin uchun yomon harakat qilishmadi.

Endi 23 iyulda "Paxtakor" bilan Qibrayda o'ynaymiz. Keyin Farg'onaga qaytib 26 iyuldan ikkinchi davraning ilk uchrashuviga tayyorgarlikni boshlaymiz.

Tarkibga o'zimiz bilgan, bizda o'ynagan futbolchilar Akmal Xolmatov, Anvar Berdiev va Sardor Rahmonov qo'shilishdi. Ular jamoani kuchaytirishlariga ishonaman", - deydi Murod Ismoilov.

Narzulla Saydullaev

Teglar: murod, ismoilov, yangi, futbolchilar, neftchini, kuchaytirishiga, ishonaman,
← Oldinga Orqaga →