“SHo'rtan“: Tayyorgarlik G'uzorda davom ettiriladi

G'uzorliklar 19 iyul sanasida poytaxtda - Milliy    Olimpiya qo'mitasi qoshida faoliyat olib borayotgan “Tibbiyot markazida” ikkinchi davra o'yinlari uchun tibbiy ko'rikdan o'tishdi. SHo'ndan so'ng, jamoa azolari ikki kunlik muddatda qisqagina dam olishdi.

21 iyuldan esa mashg'ulotlar “SHo'rtan”ning G'uzordagi qarorgohida davom ettirilmoqda.

Dastlabki yig'in to'g'risida qisqacha nimalar deyish mumkin: tog'dagi mashg'ulotlar jarayonida murabbiylar guruhi futbolchilar bilan asosan jismoniy tomondan ish olib borishdi. Bu orada esa 16 va 18 iyul kunlari “Olmaliq” (2:1) hamda “Paxtakor” (3:1) jamoalari bilan sinov nazorat bahslari o'tkazildi. Mazkur uchrashuvlar davomida asosiy tarkib o'yinchilari qatorida murabbiylar maydonga ko'rikdan o'tish uchun taklif etilgan bir necha nafar futbolchilarni ham tushirishdi. Yarim himoyachi Farruh Haydarov (“Nurafshon” Buxoro), hujumchi Sevdiyor Hamroqulov (“Cementchi” Navoiy, 2-liga) va himoyachi Vusol Mageramov (“Metallurg” Bekobod) hatti-harakatlari murabbiylar guruhiga maqul keldi. SHu sabab, ushbu futbolchilar “SHo'rtan” mashg'ulotlarida o'z ishtiroklarini  davom ettirishmoqda.

Vaqtinchalik bosh murabbiy vazifasini bajarib turgan Ixtiyor Tog'aevich Karimov shogirdlari ikkinchi davra o'yinlari boshlangunga qadar G'uzorda bo'lishadi.  
25 iyul sanasida esa birinchi liga musobaqalarida karvonboshilik qilayotgan “Dinamo” jamoasi bilan sinov nazorat uchrashuvi belgilangan. Uchrashuv Samarqand shahrida bo'lib o'tadi.

“SHo'rtan” PFK matbuot xizmati