O'zbekiston milliy terma jamoasi mashg'ulotlarni Toshkentda davom ettirmoqda

2016-07-23 17:10:01 / Kiritdi: BestMaster O'qilgan: 1105

6 – 21 iyul kunlari davomida Avstriyada o'quv-mashg'ulot yig'inlarini o'tkazgan O'zbekiston milliy terma jamoasi 22 iyul tonggida Toshkentga qaytib keldi.

Samvel Babayan boshchiligidagi terma jamoa yig'inni Toshkentda davom ettirmoqda. Kecha, 22 iyul kuni jamoa “Jar” stadionida mashg'ulot o'tkazdi.

Takidlash kerakki, 21 iyul kuni “Jar” stadionida bo'lib o'tgan O'zbekiston U-23 – Iroq (2:1) uchrashuvida maydonga tushgan bir necha futbolchi, xususan, Jaloliddin Masharipov, Doston Hamdamov, Sardor Mirzaev, Akromjon Komilov milliy terma jamoaning kechagi mashg'ulotlarida ishtirok etdi.

Eslatib o'tamiz, Jahon chempionati-2018 saralashining uchinchi bosqichiga tayyorgarlik ko'rayotgan O'zbekiston milliy terma jamoasi 24 iyul kuni “Bunyodkor” stadionida Iroq milliy terma jamoasiga qarshi o'rtoqlik uchrashuvi o'tkazadi. O'yin 19:00da boshlanadi.

Teglar: ozbekiston, milliy, terma, jamoasi, mashgulotlarni, toshkentda, davom, ettirmoqda,
← Oldinga Orqaga →