“Metallurg”: “Andijon” bilan nazorat uchrashuvida hisob ochilmadi
/ Kiritdi: BestMaster O'qilgan: 1143
Kecha CHirchiq shahridagi “Kimyogar” o'yingohida mamlakat milliy chempionatining ikkinchi davrasiga tayyorgarlik ko'rayotgan “Metallurg” va “Andijon” jamoalari o'rtasida nazorat uchrashuvi o'tkazildi.
Qiziqarli o'tgan o'yinda hisob ochilmadi – 0:0.
Bekobodliklar tarkibida shu kuni ko'rikdan o'tayotgan ikki nafar yangi futbolchi maydonga chiqdi. Bular SHerzod Jalilov (“Obod”) hamda Farrux SHotursunov (“So'g'diyona”) lardir. Mazkur nazorat o'yinida SHerzod jamoada chan qanot himoyachisi vazifasida sinab ko'rilgan bo'lsa, Samarqandning “Dinamo” jamoasidagi ishtiroki orqali muxlislarga yaxshi tanish bo'lgan Farrux hujumchilar ortidagi yarim himoyachi chizig'ida faoliyat yuritdi. “Metallurg” bu o'yinni quyidagi tarkibda o'tkazdi.
“Metallurg”: Suhrobjon Sultonov, Hikmat Hoshimov, Doniyor Odilov, SHerzod Jalilov, Mirg'iyos Sulaymonov, Jahongir Abdumo'minov, Ayubxon No'monov, Ergash Ismoilov, Farrux SHotursunov, Javohir Esonqulov, Zohid Abdullaev.
Zahiradan tushganlar: Dilmurod Karimov, Farhod Namozov, Murodjon Toshmatov, Davron Karimqulov, Saidjon Abdujabborov.
Bosh sahifaga
173