“Cementchi”ning sobiq futbolchilari “Yozyovon-Lochinlari” safida

Xususan Farg'ona viloyatining ikki jamoasi “Cementchi” va “Yozyovon-Lochinlari” davralar oralig'ida o'z safini kuchaytirishga urinmoqda. Bungacha “Cementchi” sharafini himoya qilgan Dilshod Eminov bilan Alisher Fayzullaev ayni damda yozyovonliklar bilan birga shug'ullanmoqda. SHuningdek iqtidorli futbolchi Rustam Abduhamidov ham ikkinchi davrani ushbu jamoada o'tkazishga yaqin turibdi. Mahoratli o'yinchi Azizxon Ibragimov ham qo'qonliklar safini tark etgach, “Yozyovon-Lochinlari” yig'iniga qo'shildi.

Ushbu futbolchilar yaqinda Oltinko'lda “Andijon” yoshlar jamoasiga qarshi kechgan nazorat uchrashuvida maydonga tushdi. Ibragimov mazkur bahsda gol ham urishga erishdi. Ammo ularning keyingi taqdiri hozircha nomalum.