Nazorat uchrashuvi: “Bunyodkor” – “Qizilqum” 1:2

Sergey Lushchan uchrashuvda ikki xil tarkib xizmatidan foydalandi. Birinchi bo'limda harakat qilgan jamoa raqib darvozasi oldida bir nechta xavfli vaziyatlar yaratdi va Aleksandar Alempievichning yagona goli evaziga tanaffusga 1:0 hisobida chiqib ketildi. Ikkinchi bo'limda esa bir muncha yosh futbolchilarga imkoniyat berildi. “Qizilqum” tarkibida esa katta o'zgarishlar bo'lgani yo'q. Natijada ikkinchi 45 daqiqalikdagi kichik ustunlik mehmonlar qo'liga o'tdi. Vohid SHodiev va SHukur Jumaboevning bittadan goli yakunda navoiyliklarning 2:1 hisobida g'alaba qozonishini taminladi. Kecha milliy terma jamoamiz safida harakat qilgan Otabek SHukurov va Eldor SHomurodovga dam berildi.

Nazorat uchrashuvi
“BUNYODKOR” – “QIZILQUM” 1:2 (1:0)
Gollar: Aleksandar Alempievich 19 (1:0), Vohid SHodiev 62 (1:1), SHukur Jumaboev 81 (1:2)
“Bunyodkor” 1-taym: Murodjon Zuhurov, Akmal SHorahmedov, Rustamjon Ashurmatov, Yurica Bulyat, Akramjon Komilov, Jovlon Ibrohimov, Aleksandar Alempievich, Minori Sato, SHohruh Gadoev, Dostonbek Hamdamov, Zabihillo O'rinboev
“Bunyodkor” 2-taym: Akbar To'raev, Xayrulla Karimov, Anvar G'ofurov, Xurshid G'iyosov, Georgiy Pogosov, Jahongir Xo'jamov, Suhrob Izzatov, Elbek Ravshanov, Farruh Ikromov, Bahodir Nasimov, SHahzodbek Nurmatov

SHu tariqa, “Bunyodkor” davralar oralig'ida “Andijon”ni 3:1 va “Mashal”ni 1:0 hisobida mag'lubiyatga uchratgan bo'lsa, “Qizilqum”ga 1:2 hisobida imkoniyatni boy berib qo'ydi.