“Qizilqum” Toshkentda “Bunyodkor”dan ustun keldi

Unda konchilar mamlakat milliy chempionati peshqadami Toshkentning “Bunyodkor” futbolchilari bilan kuch sinashdi.

Unda murabbiylar ayni paytda ko'rikdan o'tayotgan bir qator futbolchilarni maydonga tushirdi.

Uchrashuvning dastlabki bo'limida Aleksandr Alimpievich hisobni ochdi. 19-daqiqada uning darvozadan chamasi o'n sakkiz metrlardan yo'llagan kuchli zarbasi darvoza to'ridan joy oldi.

Tanaffusdan so'ng, Hamidjon Aktamov rahbarlik qilayotgan “Qizilqum” futbolchilari maydonda tashabbusni o'z qo'llariga olishga urinishdi. Ketma-ket uyushtirilgan hujumlar o'z samarasini uzoq kuttirmadi. Avvaliga 61-daqiqada Vohid SHodiev o'zining sobiq jamoasi darvozasini ishg'ol etib, hisobni tenglashtirdi. So'ngra, hozirda navoiyliklar tarkibida ko'rikdan o'tayotgan SHukur Jumaboev muvaffaqiyat qozondi va “Qizilqum”ning g'alabasini taminladi - 1:2.

HAKAMLAR HUJJATIDAN KO'CHIRMA:

O'rtoqlik uchrashuvi

“Bunyodkor” (Toshkent) - “Qizilqum” (Navoiy) - 1:2 (1:0).

Toshkent. “Bunyodkor” futbol maktabi maydoni. 25 iyul.

Bosh hakam: Vadim Agishev (Toshkent).

Gollar: Aleksandr Alimpievich (19), Vohid SHodiev (62), SHukur Jumaboev (81).

“BUNYODKOR”: Murodjon Zuhurov, Akmal SHorahmedov, Rustam Ashurmatov, Aleksandr Alimpievich, Sato Minori, Javlon Ibrohimov, Dostonbek Hamdamov, Zabihillo O'rinboev, SHohrux Gadoev, Akromjon Komilov, Yurica Bulyat.

Zaxiradan maydonga tushganlar:  Akbar To'raev, Anvar G'ofurov, Bahodir Nasimov, Hayrulla Karimov, Xurshid G'iyosov, Georgiy Pogosov, Jahongir Xo'janov, Suhrob Izzatov, Elbek Ravshanov, Farruh Ikromov, SHahzodbek Nurmatov.

“QIZILQUM”: Erkin Jabborov, Akmal Rustamov, Fayzulla Qambarov, Otabek Narzullaev, Erkin Boydullaev, SHerali Jo'raev, Bahriddin Vahobov, Ilhom Yunusov, Vohid SHodiev, Yovanovich.

Zaxiradan maydonga tushganlar: Saidjon Hayitov, SHukur Jumaboev, Samandar SHodmonov, Nodirxon Kamolov, Eliyorjon Akbarov.

Eslatib o'tamiz, “Qizilqum” jamoasi mazkur Toshkent yig'ini doirasida bungacha “Qo'qon-1912” (3:2), “So'g'diyona” (2:0) hamda “Lokomotiv-BFK” (5:3) futbolchilari bilan o'zaro sinov uchrashuvlarida maydonga tushgandi.