Rasmiy xabar: Ixtiyor Karimov “SHo'rtan” bosh murabbiyi etib tayinlandi
/ Kiritdi: BestMaster O'qilgan: 1117
Xabaringiz bor, 2016 yilgi futbol mavsumi g'uzorliklar uchun omadsiz boshlandi.
“Oq bo'rilar” jamoasi bir nechta tur davomida ochko olishning uddasidan chiqishmadi. SHundan so'ng, jamoa mahalliy mutaxassis, asli g'uzorlik bo'lgan Ixtiyor Karimov boshqaruviga ishonib topshirilgach, “SHo'rtan”ning ishlari yurishib ketdi. Natijada birin-ketin “So'g'diyona”, “Andijon”, “Olmaliq”, “Obod” va “Paxtakor” kabi jamoalar mag'lubiyatga uchratildi. Qolgan uchrashuvlarda ham futbolchilar sifatli va mazmunli o'yinlar ko'rsatishdi. Birinchi davra yakunlari bo'yicha jamoaning Oliy ligadagi ishtiroki yaxshi, deb baholandi.
Mana shu ijobiy holatlar va I.Karimoning ish salohiyati, malakasi hisobga olingan holda uning lavozimidagi “vaqtinchalik vazifasini bajaruvchi” qo'shimcha olib tashlandi. SHu yilning 20 aprelidan etiboran “SHo'rtan” jamoasida vaqtinchalik bosh murabbiy vazifasini bajarib kelayotgan Ixtiyor Tog'aevich Karimov klub rahbariyati qaroriga ko'ra, rasman bosh murabbiy etib tayinlandi.
SHunday qilib, so'nggi uch-to'rt oy davomida “SHo'rtan” jamoasiga yangi bosh murabbiy kelishi yoki xorijlik mutaxassislar ish boshlashi mumkin, qabilidagi turli gap-so'zlarga chek qo'yildi.
Ixtiyor Karimovning klubda shu kunga qadar egallab turgan o'rniga – yani texnik direktorlik vazifasiga esa vaqtinchalik g'uzorliklar jamoasi murabbiylar guruhida ko'p yillardan buyon fidokorona mehnat qilib kelayotgan uslubchi mutaxassis Aleshnikov Viktor Giergievich taynlandi.
“SHo'rtan” PFK matbuot xizmati
Bosh sahifaga
152