Aleksandr Xomyakov: "To'rtta to'p farqini yo'qqa chiqarish qiyin masala edi"

"Bu bahsda yomon o'yin ko'rsatmadik. O'yin uchun yigitlarga rahmat aytaman. Biz birinchi uchrashuvda ko'p xato qildik va shu bois bugungi g'alaba bizga tatimadi. Haqiqatdan ham Toshkentda, "Lokomotiv" bilan o'yinda to'rtta to'p farqini yo'qqa chiqarish qiyin masala edi. SHu bois yigitlardan faqat maydonda o'zini ko'rsatishini va chiroyli o'yin tashkil etishni so'radim. Ikkinchi davra oldidan biz uchun juda muhim bahs bo'ldi. Bu o'yinda qarshi hujumda o'ynash samarasini ko'rdik. Biz o'yindan qoniqdik.

Ko'pchilik "Mashal" yopiq o'yin ko'rsatmoqda, "Mashal" antifutbol ko'rsatmoqda demoqda. Bizni uslubimiz bunday emas. Bugungi bahsda buni ko'rdik.

Ikkinchi davrada tarkibni kuchaytirishni rejalashtirganmiz. Erkinovga "Nasaf"dan taklif bo'ldi shu bois jamoani tark etishni so'radi. Men unga omad tilayman. Derkach va Pavlenko qo'shildi va boshqalar bilan muzokara yakunlanib qoldi. Rasman malum bo'lsa elon qilamiz" , - deydi Xomyakov.