Sergey Kovshov: "Ertaga jangovor o'yin bo'ladi"
/ Kiritdi: BestMaster O'qilgan: 951
O'zbekiston kubogi, chorak finali doirasidagi “Buxoro” – “Qo'qon-1912” jamoalari o'rtasidagi o'yindan oldin Qo'qonliklar katta murabbiyi Sergey Kovshov fikrlarini quyidagicha bayon qildi.
- Hozirgi kunda chempionat va kubok o'yinlari biz uchun bir xil ahamiyatga ega. Biz xoh kubok o'yini bo'lsin, xoh chempionat o'yini bo'lsin faqat g'alaba uchun maydonga tushamiz.
Dastlabki o'yindagi 1:1 hisobi shundan darak beradiki birinchi o'yin juda shiddatli o'tgan. Gollar ham, sariq va qizil kartochkalar ham bo'ldi. Ertaga ham juda shiddatli o'yin bo'lishini taxmin qilyapman.
Davralar oralig'ida juda foydali yig'inni o'tkazdik. Hozirgi kunda tarkibimizdagi futbolchilarning jismoniy holatlari yuqori darajada. Tarkibimizda bir qator o'zgarishlar ro'y berdi. Taktik jihatdan ham o'yinimizda o'zgarishlar bo'ladi. Ertaga ikkala jamoada ham imkoniyat bir xil deb o'ylayman. "Buxoro" kuchli jamoa, buni ularning turnir jadvalidagi o'rni ham ko'rsatib turibdi. Lekin biz ham Buxoroga sayohat uchun kelmaganmiz. Jangovor o'yin bo'ladi", – deydi Sergey Kovshov.
"Qo'qon-1912" matbuot xizmati
Bosh sahifaga
2139
18 Sentabr 2021, 07:52