“Metallurg”: 5 nafar yangi o'yinchi rasman jamoa azosiga aylandi

Qo'shimcha buyurtmadan o'rin egallagan futbolchilarning 4 nafari hujumchi, bir nafari esa himoyachidir.

Bular – Farrux SHotursunov, Sardor Rasulov, SHerzod Jalilov, Sardor Inomjonov hamda Muhammadjon Sultonovlardir. Sardor Inomjonov “Metallurg” tarbiyalanuvchisi hisoblanadi. U o'tgan yili Jizzaxning “Zomin” jamoasidan tushgan taklifga rozilik bildirgandi. Inomjonovdan tashqari qadrdon jamoasiga Sardor Rasulov ham qaytdi. U olti oy mobaynida “SHo'rtan” tarkibida faoliyat olib bordi. “Metallurg” murabbiylari “Obod” jamoasida to'p surgan SHerzod Jalilov hamda “So'g'diyona”dan tarkibga kelib qo'shilgan Farrux SHotursunovlarga katta umid bildirishayapti. Toshkent viloyatining Bo'ka tumanida tug'ilib, poytaxtning “NBU-Osiyo” jamoasida o'ynab kelgan Muhammadjon Sultonov tarkibga qo'shilganlar orasida eng yosh futbolchidir. Mazkur futbolchilarga “Metallurg”da quyidagi raqamlar tegdi:

#	Ismi sharifi	Tug'ilgan sanasi	Ampluasi	So'nggi jamoasi
11	Farrux SHotursunov	11.05.1992	Hujumchi	“So'g'diyona”
21	Sardor Rasulov	5.09.1989	Hujumchi	“SHo'rtan”
23	SHerzod Jalilov	23.02.1991	Himoyachi	“Obod”
51	Muhammadjon Sultonov	9.06.1997	Hujumchi	“NBU-Osiyo”
55	Sardor Inomjonov	9.12.1993	Hujumchi	“Zomin”