Ronaldino haqida afsona

"El Kassiko"dan bir necha kun oldin tunda Ronaldino menga qo'ng'iroq qildi:

"Andres, soat 3 bo'lganini bilaman, ammo senga bir narsani aytishim kerak. Iyulda "Barselona"ni tark etib "Real"ga o'tishim kerak. Ular menga katta mablag' taklif qilishdi va ularga rad javobini bera olmadim. Sen hali yoshsan, meni tushunasan degan umiddaman. Ammo iltimos, bu haqda hech kimga aytma, men senga boshqalardan ko'ra ko'proq ishonaman. Xayrli tun, Andres!"

Men hech narsa deyishga ulgurmadim. Keyingi kun mashg'ulotlarda hamma o'zini boshqacha tutdi va barcha Roanldinoni quchoqlab, unga omad tiladi. Keyin "El Klassiko" kuni etib keldi. Biz "Santyago Bernabeu" kiyinish xonasida edik va Ronni so'z boshladi:

"Yigitlar, bugun bizni juda muhim o'yin kutib turibdi. Ular juda kuchli. Ammo so'nggi kunlarda biz ham etarlicha kuchli oila ekanligimizni tushundim. Men har biringizga qo'ng'iroq qilib, iyulda "Real"ga o'tishimni aytdim. Hech biringiz bu haqda boshqalarga miq etmadingiz. Men uzoq yillar "Barsa"da qolaman. Keling endi maydonga chiqib, ularga dars berib qo'yamiz".

O'sha kecha Ronaldino faoliyatidagi eng yaxshi uchrashuvni o'tkazgan bo'lsa kerak. U "Real" darvozasiga 2 ta gol urdi. Aynan o'sha kun "Qirollik klubi" muxlislari Ronaldinoni olqishlashdi".