Futzal. O'zbekiston terma jamoasi Eron bilan ikkita o'yin o'tkazadi
/ Kiritdi: BestMaster O'qilgan: 985
Futzal bo'yicha O'zbekiston milliy terma jamoasi Kolumbiyada bo'lib o'tadigan Jahon chempionatiga tayyorgarlikning asosiy bosqichini boshlash arafasida turibdi.
Xose Mariya Mendez boshchiligidagi terma jamoamiz mundial oldidan Osiyoning amaldagi chempioni bilan ikkita o'rtoqlik uchrashuvi o'tkazadi. Eron terma jamoasiga qarshi o'yinlar 28 va 29 avgust kunlari bo'lib o'tadi. Har ikki uchrashuv ham Eronning Mashhad shahrida o'tkaziladi. Terma jamoamiz delegaciyasi forslar yurtiga 26 avgustda uchib ketadi.
Eslatib o'tamiz, O'zbekiston terma jamoasi mundialning "A" guruhida Kolumbiya, Portugaliya va Panama terma jamoalariga qarshi bahs olib boradi. Eron esa Ispaniya, Marokash va Ozarbayjon termalari bilan "F" guruhida kurash olib boradi.
Bosh sahifaga
105