Davron Karimqulov: "Biz o'z o'yinimizni ko'rsata olmadik"

- Afsuski, bugun biz o'z o'yinimizni namoyish eta olmadik. Birinchi davra oxirida jamoaning barcha o'yinchilari optimal formaga kirib olishgandi. CHempionatdagi peshqadamlarning barchasiga munosib qarshilik ko'rsatgandik. Bugun esa “Bunyodkor”ga birinchi navbatda tezlikda yutqazdik. Toshkentliklar shu tezliklariga mos tez va aniq fikrlashlari evaziga ham bizni ortda qoldirishdi. O'tkazib yuborilgan gollarda biz himoya chizig'i vakillarining xatolari birlamchi bo'lganligi bu borada chempionat o'yinlarigacha ishlashimiz kerakligini ko'rsatdi. Xudo xoxlasa, Jizzaxdagi uchrashuvgacha bu mag'lubiyatni unutamiz va safar uchrashuviga jiddiy hozirlik ko'ramiz. Ikkinchi davrada oson o'yinlarning o'zi bo'lmaydi. Ammo biz xuddi birinchi davradagidek ishqibozlarimizni xursand etishga bel bog'laganmiz, - deydi Davron Karimqulov. 

"Metallurg" matbuot xizmati