2-liga. Ikkinchi bosqichda ishtirok etadigan jamoalar nomi malum
/ Kiritdi: BestMaster O'qilgan: 1207
30 iyul kuni O'zbekiston Birinchiligi Ikkinchi ligasi Toshkent shahar mintaqasi birinchi bosqichining qoldirilgan so'nggi uchrashuvi o'tkazildi.
1-tur doirasidagi o'yinda "O'rikzor" klubi "Lokomotiv 2000"ni qabul qildi va 5:4 hisobida g'alaba qozondi.
Ana shu uchrashuvdan keyin ikkinchi bosqichga yo'l olgan barcha jamoalar nomi malum bo'ldi. Demak, "A", "B", "C" va "D" guruhlarida dastlabki ikki pog'onani band etgan jamoalar ikkinchi bosqichda o'zaro kurash olib boradilar. Bular:
"Namuna" va "Tramvaychi" ("A" guruhidan);
"Bunyodkor A" va "Kozteks" ("B" guruhidan);
"Bunyodkor B" va "Lokomotiv BFK" ("C" guruhidan);
"Sergeli" va "O'rikzor" ("D" guruhidan).
Ikkinchi bosqichni jamoalar birinchi bosqichdagi oltin ochkolari bilan boshlashadi. Yani, dastlabki bosqichdagi o'zaro o'yinlarda qo'lga kiritilgan ochkolar saqlab qolinadi. Masalan, "D" guruhidan "Sergeli" hamda "O'rikzor" jamoalari keyingi bosqichga yo'l olishdi. Bu klublarning birinchi bosqichdagi o'zaro o'yinlarida "Sergeli" 4, "O'rikzor" esa 1 ochkoni qo'lga kiritgan. Demak, bu jamoalar ikkinchi bosqichni aynan shuncha ochko bilan boshlashadi.
Ikkinchi bosqichda birinchi o'rinni egallagan jamoa birinchi ligaga chiqish uchun o'tkaziladigan PULKAda ishtirok etish huquqini qo'lga kiritadi.
Bosh sahifaga
222
