O'zbekistonlik hakamlar UEFA tomonidan tashkil etiladigan o'quv-seminarda ishtirok etadi

2016-08-01 11:50:01 / Kiritdi: BestMaster O'qilgan: 1073

SHu yilning 20–27 oktyabr kunlari SHveycariyaning Jeneva shahrida UEFAning Hakamlik mahoratini oshirish markazi tomonidan “Hakamlikni rivojlantirish dasturi” doirasida o'quv-seminari tashkil etiladi.

Mazkur o'quv-seminarda o'zbekistonlik hakamlardan Nayim Qosimov va uning assistentlari Sanjar SHoyusupov hamda Obid Jumaev, shuningdek, Vladislav Ceytlin hakamlar instruktori sifatida qatnashadi.

“Hakamlikni rivojlantirish dasturi” doirasidagi o'quv-seminarni o'tkazishdan ko'zlangan asosiy maqsad – kelajakda FIFA referisi sifatida etishib chiqishga salohiyati bo'lgan hakamlarning futbol haqida umumiy bilimi, hakamlik mahorati hamda kompyuter savodxonligini oshirishdan iborat.

Mazkur o'quv-seminar yakunida qatnashchilar Intermittent Recovery Test Level 1 testini ishlaydi hamda ingliz tilidagi futbol qonun-qoidalari haqidagi savollarga javob berishadi. Olingan bilim va ko'nikmalarni amalda sinash uchun hakamlar brigadasi Franciya yoki SHveycariya futbol ligasidagi rasmiy uchrashuvlardan birida ishlaydi.

Teglar: ozbekistonlik, hakamlar, uefa, tomonidan, tashkil, etiladigan, oquv-seminarda, ishtirok, etadi,
← Oldinga Orqaga →