Vladislav Ceytlin O'zbekiston yoshlar terma jamoasiga seminar o'tkazadi
/ Kiritdi: BestMaster O'qilgan: 1117
Avvalroq xabar berilganidek, iyun oyidan boshlab futbol o'yini qoidalariga bir qator o'zgarishlar kiritildi.
Ayni damda FIFA tasarrufiga kiruvchi turnirlarda yangi joriy etilgan qoidalar amalda qo'llanildi.
Malumot uchun, shu yilning oktyabr oyida Bahraynda bo'lib o'tadigan U-19 yoshlar o'rtasidagi Osiyo chempionati bahslari ham yangi joriy qilingan qoidalar asosida o'tkaziladi va bu borada unda ishtirok etuvchi barcha terma jamoalarga malum qilingan.
Bu borada O'FF terma jamoalar markazi barcha yoshdagi terma jamoalarga ayni damda amaliy hamda nazariy qo'llanmalarni taqdim etishni va turli seminarlar tashkil etishni rejalashtirgan. Aynan shunday seminarlardan biri O'zbekiston U-19 yoshlar terma jamoasi ishtirokida 4 avgust kuni Toshkentdagi CHig'atoy o'quv bazasida bo'lib o'tadi. Mazkur seminarni O'FF Terma jamoalar markazi taklifiga ko'ra FIFA referisi Vladislav Ceytlin olib boradi.
O'zbekistonning etakchi hakamlaridan biri, FIFA referisi Vladislav Ceytlin seminar davomida O'zbekiston yoshlar terma jamoasi azolariga yangi o'yin qoidalari bo'yicha tushuntiruv ishlarini olib boradi. SHuningdek, seminar davomida futbolchilar va murabbiylar shtabi yangi qoidalar borasida amaliy hamda nazariy bilimlarga ega bo'lishadi.
Bosh sahifaga
149
10 May 2026, 09:57