“Cementchi” Bildirsoyda
/ Kiritdi: BestMaster O'qilgan: 1140
Birinchi davra o'yinlaridan so'ng tatilga chiqqan va boshqa jamoalar orasida ikkinchi davraga tayorgarlikni ancha ertaroq boshlagan “Cementchi” o'z qarorgohidagi nazorat ko'rigining birinchi bosqichini yakunladi.
Ushbu bosqichda murabbiylar yangi futbolchilarni nazoratdan o'tkazib jamoaning bo'sh chiziqlariga munosib nomzodlarni tanlab oldilar. Tarkibga yangi kelib qo'shilgan futbolchilarni ko'rikdan o'tkazish asnosida jamoa bir qator nazorat o'yinlarida maydonga tushdilar. 17 iyul kuni Quvasoyda “Neftchi” jamoasi yoshlariga 0-1 hisobida imkoniyatni boy bergan bo'lsa, 20 iyul kuni Qo'qonda “Qo'qon 1912” jamoasi yoshlarini 2-1, 23 iyul kuni Quvasoyda ikkinchi liga vakili “Istiqlol” jamoasini 2-1, 27 iyul kuni Quvasoyda “Andijon” jamoasi yoshlarini 3-2 hisobida mag'lubiyatga uchratdilar.
"Cementchi" shanba kuni o'z qarorgohidagi so'nggi mashg'ulotlarni o'tkazdi. Yakshanba kuni jamoa azolari Toshkent safariga yo'lga otlanadilar. Ertalab futbolchilar tibbiy ko'rikdan o'tdilar. Tushdan so'ng jamoa tayorgarlikning ikkinchi bosqichini davom ettirish uchun Toshkent viloyati, Bo'stonliq tumanidagi Bildirsoy tog'li hududiga junab ketdilar. Tayorgarlikning ushbu bosqichida ham bir qator nazorat o'yinlarini o'tkazish rejaga kiritilgan.
Zuxriddin Abdullajonov.
Bosh sahifaga
235
10 May 2026, 10:01