Akmal Rustamov: “Muborakka faqat g'alaba uchun boramiz”
/ Kiritdi: BestMaster O'qilgan: 992
Oliy liga o'n oltinchi turidan joy olgan uchrashuvlardan biri Muborakda “Mashal” - “Qizilqum” jamoalari o'rtasida bo'lib o'tadi. O'yin shiddatli va keskin o'tishi kutilmoqda.
Mazkur bahs oldidan navoiyliklar himoyachisi Akmal Rustamov fikrlari bilan qiziqdik.
- Ikkinchi davrani safarda “Mashal” jamoasiga qarshi o'yin bilan boshlaymiz, - deydi Akmal Rustamov. - Raqibimiz davralar oralig'ida o'z tarkibiga bir qator yangi o'yinchilarni qo'shib olganidan xabarimiz bor. O'z navbatida jamoamizda ham o'zgarishlar yuz berdi. Muxlislar navbatdagi o'yinda bizdan faqat g'alaba kutishmoqda. Buni jamoadoshlarim ham yaxshi his etib turibdi. Muborakda qiyin o'yin kutib turibdi. SHunga qaramay, safarga g'alaba uchun boramiz. Unda muhim uch ochkoni qo'lga kiritish uchun bor mahoratimizni ishga solamiz.
“Qizilqum” PFK Matbuot xizmati.
Bosh sahifaga
1927