Olmaliqda jadvalda yonma-yon ketayotgan jamoalar bahsi

Olmaliq shahrida kechadigan bahs soat 19:30da start oladi. O'yinni Ravshan Ermatov boshqarib boradi.

Turnir jadvalidagi o'rni: "Olmaliq" 8-o'rinda (21 ochko), "Buxoro" 7-o'rinda (23 ochko)
Ochkolar orasidagi farq - 2 ochko.
 
Tarif: Oliy liga turnir jadvalida yonma-yon o'rinlarda borayotgan jamoalar to'qnashuvi. Jamoalarni ikki ochkolik farq ajratib turibdi. Bugun Olmaliqda qiziq o'yin bo'lishi ktuilmoqda. CHunki ikkala jamoa ham hujumkor futbol namoyish etishni xush ko'radi.

Fakt: "Olmaliq" bungacha o'tkazilgan ettita uy uchrashuvidan oltitasini g'alaba bilan tamomlagan. Jamoa faqat bir bor yutqazib qo'ygan. To'plar nisbati 15-7. "Buxoro" esa safardagi etti o'yindan ikkitasida zafar quchgan. Uch bor durang o'ynagan bo'lsa, ikki marta mag'lubiyatga uchragan. To'plar nisbati 5-8.

Fakt: Buxoroda bo'lib o'tgan birinchi davra o'yinida mezbonlar 2:0 hisobida g'alaba qozonishgan. Qizig'i, ikkala gol ham penaltidan kiritilgan.
Oliy liga, 1-tur.
Buxoro – Olmaliq – 2:0.
Gollar: R. Melzetdinov (66, penalti), S. Nematov (90+3, penalti).

Eslatma: Kecha bo'lib o'tgan yoshlar ligasi bahsida "Olmaliq" futbolchilari 2:1 hisobida zafar quchishdi.