Ro'ziqul Berdiev: "Legionerlarimiz kelgusida bundanda kuchli o'yin namoyish etishadi"

Ro'ziqul Sadullaevich quyidagi fikrlarni bildirib o'tdi.
 
- Jamoamiz bugungi uchrashuvda “SHo'rtan”ga nisbatan har tomonlama yaxshi o'yin namoyish etishdi. Biz raqibimizdan bugun shiddatliroq o'yin kutgandik, ammo biz kutgandek bo'lmadi. SHuning uchun biz bugun yirik hisobda g'alaba qozondik. Futbolchilarimiz ko'rsatmalarimizni to'liq bajarishdi, buning uchun ularga rahmat aytaman. Bugungi uchrashuvda Qarshidan tashrif buyurib, bizni qizg'in qo'llab-quvvatlagan muxlislarni ham g'alaba bilan tabriklayman va ularga katta tashakkur bildiraman.
 
Albatta, legioner futbolchilarimiz hali o'yinga to'liq tayyor emaslar, shundanda ular o'yinda bazi bir xatolarga yo'l qo'yishdi. Lekin umumiy olib qaraganda, biz safimizga kuchli futbolchilarni qo'shib oldik. Ularni o'yinidan ham bu ko'rinib turibdi. O'ylaymanki ular bundan keyingi o'yinlarda, bugungidan ham kuchli o'yin namoyish etishadi. Biz jamoamiz o'yinini kuchaytirish maqsadida ushbu o'yinchilarni jamoamiz safiga qo'shib olganmiz.