Temur Kapadze: “6 daqiqa ichida 3 ta gol urishimizni kutmagandik”

Ushbu uchrashuvdan so'ng “Lokomotiv klubi sardori Temur Kapadze o'yin haqida fikr bildirdi.

-  6 daqiqani ichida 3 ta gol urishimizni kutmagandik. “Navbahor”ga qarshi har doim qiyin o'yinlar bo'lgan. SHuning uchun ushbu uchrashuvga jiddiy tayyorgarlik ko'rgandik. “Navbahor” ko'p jamoalarga qiyinchilik tug'dirib kelmoqda. 3ta goldan keyin uchrashuv deyarli hal bo'lgani uchun so'nggi daqiqagacha xotirjamlikka berildik.

Keyin yana 2 ta gol urib yirik hisobni qayd etdik. Muhimi g'alaba edi, oldimizga katta vazifalar qo'yilgan. O'yinimizda biroz kamchiliklar bor, ana shu kamchiliklar ustida ishlab xatolarimizni bartaraf etamiz. Oldimizda ulkan vazifa turipti. Butun O'zbekistondan faqat bir nafar jamoa OCHLda ishtirok etmoqda. SHuning uchun ham OCHLda navbatdagi bahsga jiddiy tayyorgarlik ko'rishimiz kerak. SHu uchrashuvga qanchalik tayyorgarlik ko'ramiz buni vaqt ko'rsatadi.  

Navbatdagi o'yinni “Andijon” jamoasiga qarshi o'tkazamiz. Eshitdim “Andijon” o'z uyida “Paxtakor”ni mag'lubiyatga uchratibdi. O'zi har doim vodiy jamoalari bilan ko'p yillardan beri og'ir o'yinlar kechadi. “Navbahor” bilan og'ir o'yin o'tmadi, chunki o'yin boshida tezkor 3ta gol urib olgandik. “Navbahor” jamoasida ham golli vaziyatlar bo'ldi. Qaerdadir omad yana qaerdadir tajribasizlik ularga pand berdi. Agarda yaxshiroq hujumchi bo'lganida darvozamizni ishg'ol qilardi. Himoyada xatolar yo'l qo'ygandirmiz. “Navbahor” o'sha xatolarimizni kechirgan bo'lsa vodiyning qolgan 3ta jamoasi kechirmasligi mumkin. Murabbiylarimiz mana shu xatolarimiz ustida ishlashadi”, - deydi “Lokomotiv” klubi sardori Temur Kapadze.

Jahongir Sotvoldiev