Sardor Rahmonov: “Istiqlol” stadiondagi o'yinlarni sog'ingandim”

-   O'zingiz ko'rdingiz qiyin o'yin bo'ldi.  G'alabadan xursandman. Ochig'i, “Istiqlol” stadionidagi o'yinlarni sog'ingandim. Murabbiylar o'yindan avval kerakli ko'rsatmalarni berishdi. Biz vazifalarni samarali uddaladik. Muxlislarimizga ham rahmat. “Bunyodkor” shunday raqibki, ular vaziyatlardan juda yaxshi foydalanishidi. Oddiy qilib aytganda, raqibning kichik xatosini golga aylantirib ketishlari xech gap emas. SHu sababli o'yin davomida ularda bitta vaziyat bo'ldi va gol urishdi. “Neftchi” jamoasini endi “Vodiy derbisi” kutmoqda. Albatta Namanganga ham faqat g'alaba uchun boramiz. O'yindan keyin murabbiylarimiz echinish xonasida keyingi uchrashuvda ham xuddi shunday harakat qilishmizni va ertadanoq “Navbahor”ga qarshi o'yinga tayyorlanishimizni aytishdi. SHu o'rinda bir narsani aytib o'tishni istagan bo'lardim. Mavsumning yarmini “Buxoro”da o'tkazib qaytdim. Ko'p buxoroliklar menga Farg'onadagi faoliyatimda omad va zafarlar tilashdi. Imkoniyatdan foydalanib ularga ham minnadorchilik bildirib qolaman, - dedi Rahmonov.

Hojiakbar Jabborov yozib oldi.
"Neftchi" matbuot xizmati