Qiziq statistika: “Bunyodkor” roppa-rosa bir yil o'tib, penalti tepdi
/ Kiritdi: BestMaster O'qilgan: 1297
Kecha oliy liga 23-turini boshlab bergan bahsda “Bunyodkor” Jizzaxning “So'g'diyona” klubini 2:0 hisobida mag'lubiyatga uchratdi.
Uchrashuvning 37-daqiqasida “So'g'diyona” sardori Sobir Hamidov o'z jarima maydonchasi ichida Anvar G'ofurovga nisbatan qo'pollik ishlatdi. Vaziyatga yaqin turgan bosh hakam Aziz Asimov hech ikkilanmasdan penalti belgiladi.
Ushbu penalti 2015 yilgi futbol mavsumida “Bunyodkor” foydasi uchun belgilangan ilk 11 metrlik jarima zarbasi bo'ldi. Bu yil hisobidan “qaldirg'ochlar” jizzaxliklarga qarshi bahsgacha jami 35ta (OCHLda 7ta, chempionatda 22ta, kubokda 6ta) uchrashuv o'tkazishgan va ularning hech birida penalti tepish huquqiga ega bo'lmagandilar. Aksincha, yuqoridagi raqamlarda ko'rsatilgan bahslarda “qaldirg'ochlar” darvozasi tomon jami 8ta (OCHLda 4ta, chempionatda 4ta) penalti belgilangandi.
“Bunyodkor”ning kechagi bahsda “So'g'diyona” darvozasiga kiritgan birinchi golini SHaker Zuagi penaltidan amalga oshirganini yuqorida aytib o'tdik. Bungacha “Bunyodkor” roppa-rosa bir yil ilgari, aniqrog'i 2014 yilning 25 sentyabr sanasida penalti tepgan edi. O'shanda “Jar” stadioni “Nasaf” darvozasi tomon belgilangan 11 metrlik zarbani Temur Ayupov golga aylantirgandi.
Ortda qolgan 22ta tur yakuniga ko'ra, birgina “Bunyodkor” jamoasi penalti tepmagan jamoa bo'lib turgan edi. Bu seriya 23-turga kelib yo'qqa chiqdi.
Oliy liga-2015da jamoalarning penalti tepish borasidagi ko'rsatkichlari
| Jamoa | Belgilangan penalti | Urilgan penalti |
| OLMALIQ | 6 | 5 |
| PAXTAKOR | 5 | 5 |
| LOKOMOTIV | 5 | 3 |
| ANDIJON | 5 | 5 |
| NASAF | 4 | 3 |
| SO'G'DIYONA | 4 | 2 |
| NEFTCHI | 3 | 2 |
| METALLURG | 3 | 3 |
| QIZILQUM | 3 | 3 |
| MASH'AL | 3 | 1 |
| SHO'RTAN | 2 | 2 |
| NAVBAHOR | 2 | 1 |
| DINAMO | 1 | 1 |
| BUXORO | 1 | 1 |
| QO'QON-1912 | 1 | 1 |
| BUNYODKOR | 1 | 1 |
Bosh sahifaga
503
17 Dekabr 2020, 13:15