Iqbol Boboxonov faoliyatini Malayziya premer ligasida davom ettiradi

Gap shundaki, Iqbol Boboxonov kelgusi faoliyatini premer liga qatnashchisi, ATM klubida davom ettiradi. Bungacha “Andijon” sharafini himoya qilgan 27 yoshli futbolchi kuni-kecha Kuala-Lumpurga etib bordi.

- Yaxshi bilasiz, davralar oralig'ida “Andijon” jamoasi bilan xayrlashgandim. SHundan so'ng Malayziya klubidan qiziqarli taklif bo'ldi. Agentlar va ATM klubi rasmiylari men bilan aloqaga chiqishdi va o'zimni xorijda sinab ko'rish taklifini o'rtaga tashladi. SHunda o'ylanib o'tirmasdan, darhol Malayziyaga borish uchun kerakli hujjatlarni tayyorladim. Kuni-kecha Kuala-Lumpur shahriga etib keldim va meni bu erda klub vakillari iliq kutib oldi. Tibbiy ko'rikdan muvaffaqiyatli o'tganimdan so'ng, shartnoma taklif etishdi.

- ATM klubidagi dastlabki taassurotlarim ijobiy, albatta. Nasib qilsa o'zimga bildirilgan ishonchni oqlab, jamoaga qo'limdan kelganicha yordam berishga tayyorman – deydi Iqbol Boboxonov.