O'zbekiston milliy terma jamoasi 24 avgust kuni Burkina-Faso bilan o'ynaydi

24 avgustga belgilangan O'zbekiston-Yaman uchrashuvi Yaman Futbol Federaciyasining tashabbusi bilan boshqa kunga qoldirildi. O'zbekiston milliy terma jamoasi Yaman bilan nazorat o'yini o'tkazish rejalashtirilgandi. Ammo ikki terma jamoaning o'zaro kelishuviga ko'ra ushbu o'yin o'tkazilmaydigan bo'ldi. Yaman futbol federaciyasi bosh kotibi Hamid Al SHayboniy imzolagan maktubda aytilishicha, Sano xalqaro aeroportidagi ahvol yomonlashgan va vaziyat o'nglangmaguncha futbolchilar mamlakatni tark eta olmaydi. SHu sababli Yaman futbol federaciyasi uchrashuvni boshqa kunga ko'chirishni so'rab, O'zbekiston tomonining to'g'ri tushunishiga umid bildirgan.

Burkina Faso bilan o'rtoqlik o'yiniga tayyorgarlilar doirasida Samvel Babayan boshchiligidagi O'zbekiston milliy terma jamoasi navbatdagi yig'inini 20 avgust kuni boshlaydi.

Eslatib o'tamiz, JCH–2018 turnirining uchinchi saralash bosqichida O'zbekiston milliy terma jamoasi “A” guruhidan joy olgan bo'lib, Eron, Janubiy Koreya, Suriya va Xitoy terma jamoalariga qarshi bahs yuritadi. Milliy termaning uchinchi saralash bosqichidagi birinchi o'yini 1 sentyabr kuni Toshkentda, Suriya terma jamoasiga qarshi o'tkaziladi.