Rio-2016. Rishod Sobirov – bronza medali sohibi!

Dzyudo musobaqasining 66 kg vazn toifasidagi bahslari yakunlandi. Ushbu vaznda yurtimiz sharafini himoya qilgan olimpiya o'yinlarining ikki karra bronza medal sohibi Rishod Sobirov faoliyatida uchinchi marotaba shoxsupaga ko'tarildi.

Avvaliga RIshod o'tish bahsida Dominikan Respublikasi vakili Uonder Mateoni ippon bahosi, yani sof g'alaba bilan mag'lub etdi. Bronza medali uchun kechgan bahsda esa ikki karra jahon chempioni slovakiyalik Adrian Gombokni ham engishga muvaffaq bo'ldi.

SHu tariqa, Rishod Sobirov olimpiya o'yinlarining uch karra bronza medal sohibiga aylandi. U bungacha 2008 yili Pekin, 2012 yili esa Londonda bo'lib o'tgan yozgi Olimpiya o'yinlarida 60 kg vazn toifasida bronza medallariga sazovor bo'lgandi.