Ilhom Mo'minjonov: "Turning markaziy o'yini Qo'qonda bo'ladi"
/ Kiritdi: BestMaster O'qilgan: 1149
O'zbekiston chempionati 17-tur doirasidagi “Qo'qon-1912” – “Paxtakor” jamoalari o'rtasidagi o'yindan oldin “Paxtakor” jamoasining o'rinbosarlar tarkibi murabbiyi Ilhom Mo'minjonov o'z fikrlarini quyidagicha bayon qildi.
- Avvalo o'rinbosarlar bahsida g'alaba qozonganimizdan xursandman. 1997-yilda tug'ilgan bir nechta futbolchilarimiz Jasur Abduraimov boshchiligidagi O'zbekiston terma jamoasiga chaqirilganligi bois , asosiy tarkibdan bir nechta futbolchilar o'rinbosarlar tarkibida maydonga tushdi. Juda qiyin bo'lgan bahsda shogirdlarim 1-0 hisobida g'olib chiqishdi.Buning uchun ularga minnatdorchiligimni bildiraman.
Asosiy tarkiblar o'rtasidagi bahs judayam qiziqarli bo'lishini kutyapman. Qo'qonda doim bizga qiyin bo'lgan. Bu jamoa o'z muxlislari qarshisida juda kuchli o'yin namoyish qiladi. Biz ham o'tgan turda Andijonda yo'qotilgan ochkolarni joyiga qo'yish uchun kurashamiz.Xulosa qilib shuni aytish mumkinki, 17-turning markaziy uchrashuvi Qo'qonda bo'ladi –deydi Ilhom Mo'minjonov.
"Qo'qon-1912" matbuot xizmati
Bosh sahifaga
207
18 May 2026, 10:59