O'zbekiston milliy terma jamoasining Suriyaga qarshi o'yini boshlanish vaqti o'zgardi

1 sentyabr kuni “Bunyodkor” stadionida bo'lib o'tadigan ushbu uchrashuv boshlanish vaqti avvalroq 19:00 qilib belgilangan edi. Ammo xavfsizlikni taminlash masalalari etibori bilan ushbu o'yin start olish vaqti 20:00 qilib belgilandi.

Eslatib o'tamiz, Jahon chempionati saralashining uchinchi bosqichiga tayyorgarlik ko'rayotgan Samvel Babayan boshchiligidagi O'zbekiston milliy terma jamoasi 20 avgustdan rasmiy o'yinlar oldidan so'nggi yig'inini boshlaydi. Ushbu yig'in davomida bir o'rtoqlik uchrashuvi o'tkazish rejalashtirilgan. Ushbu xalqaro o'rtoqlik uchrashuvida O'zbekiston raqibi Burkina-Faso terma jamoasi bo'ladi. Uchrashuv 24 avgustda, “Bunyodkor” stadionida bo'lib o'tadi.