Bahrom Hakimov: "Biz mag'lubiyatga aslo loyiq emasdik"

Afsuski, juda qimmatli ochkolarni boy berdik. Bugun barcha ko'rdi, biz mag'lubiyatga aslo loyiq emasdik. Hech bo'lmasa, birinchi bo'limda penaltidan gol urganimizda o'yin mutlaqo boshqacha o'tardi - deya gap boshladi mezbonlar murabbiyi.

SHuncha golli vaziyatlardan qanday qilib foydalana olmadik, o'zim ham hayronman. Aksariyat holatlarda to'pning darvozaga kirishidan ko'ra, kirmasligi qiyin edi. Futbolda bunaqasi uchrab turadi. O'ylashimcha, bugun omad biz tomonda emas, raqib tomonda edi - deydi murabbiy.

Bugun shogirdlarim o'yinidan qoniqmadim, deya olmayman. Yomon o'yin namoyish etmadik. Uchrashuvga yaxshi tayyorgarlik ko'rgandik va bugun maydondagi harakatlar yomon chiqmadi. Ancha kuchli bo'lgan Neftchi jamoasini himoyada o'ynashga majbur qildik, ammo hal qiluvchi zarbani yo'llashga ojizlik qildik. Ushbu mag'lubiyat uchun barcha Dinamo muxlislaridan uzr so'rayman. Ular bizni shuncha qo'llab-quvvatlab g'alabaga munosib edilar. Vada beramanki, jamoa mavsum yakunigacha har o'yinda oxirigacha kurashib muxlislarni xursand etadi - deya fikr bildirdi Bahrom Hakimov.