Davron Fayziev: "Avvallari har bir jamoada yulduz hujumchilar bo'lardi..."

- Oliy ligada hozir avvalgidek yulduz hujumchilar yo'q. Men o'ynagan paytda chempionatimizdagi barcha jamoalarda yulduz maqomidagi hujumchilar bo'lardi. "Paxtakor"dan SHkvirin, "Neftchi"da Bozorov, Do'rmonov, "Navbahor"da SHackix, Vennikov, "Andijon"da Hamidullaev, Bahodir Rahmonov, Jizzaxdan Eraliev, Samarqandda Jabborov, "Nasaf"da Zafar Xolmurodov singari yulduz hujumchilar porlab chiqishgan edi. Hozirgi kunda esa bu kabi yulduzlar sanoqli.
"Lokomotiv"da Temurxo'ja Abduxoliqovni ko'rsatish mumkin. "Bunyodkor"da Eldor SHomurodov bor. Lekin ayni paytda Eldor ham hujumchi sifatida harakat qilmayapti.
Qolgan hujumchilar hammasi bir xil saviyada, deb o'ylayman. Meni nazarimda, "Nasaf"da yaxshiroq hujumchilar jamlangan.
Azamat Allaniyazov, Bobir Abduxoliqov, Ilhom SHomurodov singari futbolchilar hozirgi kunda bizning futboldagi eng yaxshi hujumchilar sanaladi.

Lekin boshqa jamoalarni olganda, 2-3 yil mobaynida muntazam 15ta gol uradigan hujumchi chiqmayapti. O'tgan yilgi mavsumdan misol, Bahriddin Vahobov qanday porlab chiqqandi? Hozir esa avvalgi samaradorlik yo'q.
Hujumchi muammosi nafaqat "So'g'diyona"da, balki boshqa ko'plab jamoalarimizda ham bu chiziq vakillari muammo bo'lib turibdi.