"Dinamo" jamoasi "Paxtakor-79"ni xotirladi

Aviahalokat tufayli Paxtakor jamoasi 17 nafar o'g'lonini yo'qotgan. Ular orasidagi eng yosh futbolchi samarqandlik Sirojiddin Bozorov edi.

Xotira – muqaddas. Bugun, 11 avgust kuni Paxtakor-79 jamoasi xotirlanadi. O'z vaqtida o'zbek futboli namoyandasi bo'lgan ushbu jamoa tom manoda xalq jamoasi edi. SHu bois samoda sochilgan futbolchilarimiz doimo eslanadi, bu jamoa muxlislar qalbidan bir umrga joy olgan.

Dinamo futbol klubi kuni kecha Toshkentdagi Botkina qabristonida joylashgan Paxtakor-79 memorial yodgorlik majmuasida bo'lib, barchamiz uchun qadrli bo'lgan jamoani yodga olishdi. Marhumlarni xotirlab, ular uchun atab o'rnatilgan yodgorlik poyiga gullar qo'yishdi. Ushbu jamoa doimo qalbimizda, yuragimizda!