Georgiy Kvesieshvili: “SHo'rtan” hali ko'p jamoalar uchun bosh og'riq bo'ladi”
/ Kiritdi: BestMaster O'qilgan: 1272
Oliy liganing o'n ettinchi turidan o'rin olgan “Qizilqum” - “SHo'rtan” jamoalari bahsidan (2:0) so'ng, navoiyliklar himoyachisi Georgiy Kvesieshvili o'z fikrlari bilan o'rtoqlashdi:
- Biz bugun bir-biriga o'xshamagan ikki xil bo'limda to'p surdik, - deydi Georgiy Kvesieshvili. - Garchi, o'yinda 2:0 hisobida g'alaba qozongan bo'lsak-da, raqibimiz jamoamiz uchun etarlicha qiyinchilik tug'dirdi. “SHo'rtan” hali ko'p jamoalar uchun bosh og'riq bo'lishiga ishonaman. Himoyada bexato harakat qilganimiz evaziga ularning ko'plab xavfli hujumlarini bartaraf eta oldik.
Qolaversa, ikkinchi davra oldidan tarkibimizga bir qator tajribali futbolchilarning qo'shilgani bugun muhim uch ochkoni qo'lga kiritishimiz uchun juda qo'l keldi. Keyingi bahslarda ham shunday hujumkor va chiroyli o'yin ko'rsatish uchun maydonga tushamiz.
“Qizilqum” PFK Matbuot xizmati.
1622319166739807 
Bosh sahifaga
3317
20 May 2026, 12:28