Ikkinchi liga. “Bunyodkor”ning ikkala jamoasi keyingi bosqichda

Musobaqa reglamentiga ko'ra, 32ta jamoa to'rtta guruhda kurash olib borishdi. Guruh bosqichi yakuniga ko'ra, 1-2 o'rinni egallagan jamoalar ikkinchi bosqich yo'llanmasini qo'lga kiritishdi.

“Bunyodkor” FKning 1998/1999 yillarda tavallud topgan futbolchilardan iborat har ikkala jamoasi 2-bosqichga birinchi o'rin bilan yo'llanma olishdi.

Dilmurod Abdullaev boshchiligidagi “Bunyodkor-A” jamoasi “V” guruhida ishtirok etib, 37 ochko jamg'argan holda birinchi o'rinni egalladi.

“Bunyodkor-B” jamoasiga Dmitriy Kim ustozlik qilmoqda. U o'z shogirdlari bilan barcha uchrashuvlarni g'alaba bilan yakunlab, 48 ochko jamg'argan holda o'z guruhida eng yaxshi ko'rsatkich qayd etdi.

SHu tariqa, 2-bosqichga yo'llanma olganlar:
“Namuna” va “Tramvaychi” (“A” guruhi);
“Bunyodkor A” va “Ko'zteks” (“V” guruhi);
“Bunyodkor B” va “Lokomotiv BFK” (“C” guruhi);
“Sergeli” va “O'rikzor” (“D” guruhi).

Jamoalar keyingi bosqichga “oltin” ochkolar bilan yo'llanma olishdi. Yani, guruhdagi asosiy raqobatchilari bo'lgan va keyingi bosqichga yo'llanma olgan jamoalar bilan o'tgan o'zaro o'yinlarda jamg'arilgan ochkolar 2-bosqichda hisobga olinadi. Unga ko'ra, ikkala jamoasi ushbu bosqichni olti ochko bilan boshlaydilar.