Navoiylik muxlislar Olmaliqqa boradi

Navoiyliklarning oxirgi turlardagi g'alabasida muxlislarning ham katta hissasi bor, albatta.

Joriy yilgi mavsumda sovrinli o'rinlarga ko'z tikkan “Qizilqum” jamoasini Toshkent viloyatida ham Muxlislar klubi azolari qo'llab-quvvatlab turishadi.

- Ikkinchi davrada sezilarli darajada kuchaygan jamoamizning uchrashuvlarini kuzatish biz muxlislarga zavq beradi. Etirof etish kerakki, klubimiz muxlislari soni nafaqat Navoiyda, balki mamlakatimizning boshqa viloyatlarida ham ortib bormoqda. Muxlislar klubi ham aslida bir jamoa! Maydonda “Qizilqum”ning 12-o'yinchisi vazifasini o'tashga doimo tayyormiz! Bundan faxrlangan holda mavsum oxiriga qadar deyarli barcha uchrashuvlarda bevosita stadiondan turib “Qizilqum”ni qo'llab-quvvatlashga doimo shaymiz! Zero, barcha muxlis uchun jamoasining uchrashuvlarini stadiondan turib tomosha qilish baxt hisoblanadi, - deydi “Qizilqum” PFK Muxlislar klubi etakchisi SHahriddin Ishnazarov.

Eslatib o'tamiz, navoiylik muxlislarning Olmaliq shahriga borish-kelishi uchun “Qizilqum” futbol klubi maxsus avtobus ajratgan. Avtobus 13 avgust kuni ertalab soat 6.30 da Navoiy shahridagi “So'g'diyona” stadioni oldidan jo'naydi.

Murojaat uchun telefon: +998913333773. SHahriddin Ishnazarov.

Demak, “Qizilqum” jamoasi muxlislarini Olmaliqdagi OTMK sport majmuasiga taklif etamiz. “Olmaliq” - “Qizilqum” uchrashuvi 13 avgust kuni soat 19.15 da boshlanadi.