Bugun futbol! "So'g'diyona" - "Navbahor"

Namanganning "Navbahor" jamoasi Jizzaxda "So'g'diyona" mehmoni bo'ladi. 

Oliy liga. 18-tur. 14 avgust 

SO'G'DIYONA - NAVBAHOR

Boshlanish vaqti - 19:00

Bosh hakam: Vladislav Ceytlin

Turnir jadvalidagi o'rni: "So'g'diyona" 13-o'rinda (17 ochko), "Navbahor" 12-o'rinda (17 ochko). 

Ochkolar orasildangi farq - 0 ochko. 

Tarif: Turnir jadvalida yonma-yon o'rinlarda borayotgan jamoalar bahsi. Ikkala jamoa ham bungacha bir xil 17 ochkodan to'plagan. "Navbahor" hozircha 10ta, "So'g'diyona" esa sakkizta bahsda mag'lub bo'lgan. Bugungi o'yinda g'alaba qozongan jamoa albatta raqibidan ko'tarilib oladi. Jizzaxda juda yaxshi uchrashuv bo'lishi kutilyapti. Jamoalarning imkoniyatini teng deya baholash mumkin. 

Fakt: O'z maydonida sakkizta bellashuv o'tkazgan "So'g'diyona" shundan ikkitasida g'alaba qozonib, to'rt marta durang o'ynadi va ikki bor mag'lub bo'lgan. To'plar nisbati 4-4. Umuman olganda, "So'g'diyona" Jizzaxda qatorasiga to'rtta uchrashuvdan beri g'alaba qozona olmayapti. Jamoa uch marta durang qayd etib, bir bor mag'lub bo'lgan. Jizzaxliklar oxirgi marta o'z maydonida 9-turda "Olmaliq"ni mag'lub etishgan. 

Fakt: Safarda ettita uchrashuvda maydonga tushgan "Navbahor" esa barcha o'yinlarda mag'lub bo'lgan. Jamoa hattoki durang qayd eta olmay kelyapti. "Navbahor"ning safar uchrashuvlaridagi to'plar nisbati 4-17. Umuman olganda, "Navbahor" safar bellashuvlarida eng kam gol urgan jamoalardan biri bo'lib turibdi. Agar namanganliklar bugun durang o'ynashsa, yoki g'alaba qozonishsa, bu ham o'ziga xos kichik sensaciya bo'ladi. 

Eslatma: Namanganda kechgan birinchi davra bahsida tomonlar 0:0 hisobini qayd etishgan. 

Eslatma: Kecha bo'lib o'tgan Yoshlar ligasi uchrashuvida "Navbahor" 1:0 hisobida zafar quchdi.