Dilyorbek Ermatov: "Har qanday jamoa maydonga g'alaba uchun chiqadi"

- "Lokomotiv" chempionatimizning eng kuchli jamoalaridan biri hisoblanadi. Bu jamoa qanday saviyadagi ekanligini hamma yaxshi bilsa kerak.  Futbolda barcha maydonga faqat natija uchun chiqadi. SHu qatori biz ham o'z uyimizda, muxlislar ko'z o'ngida faqat g'alaba uchun maydonga tushamiz. Raqib tarkibida kimnidir alohida ko'rsatmagan bo'lardim. CHunki "Lokomotiv"ning hamma o'yinchilari yuqori saviyadagi ijrochilar hisoblanadi. To'g'risi o'yin oldi fikr bildirish qiyin. O'yinga jiddiy xozirlandik. Murabbiylar bergan ko'rsatmalarni to'g'ri bajarishga harakat qilamiz. Jamoada kayfiyat yaxshi. Muxlislarni ham "Lokomotiv" bilan bo'lib o'tadigan bahsga chorlab qolaman. "Bunyodkor" va "Navbahor"ga qarshi bellashuvlarda ishqibozlar bizni juda yaxshi qo'llab-quvvatlab turishdi. Ularga rahmat. Umid qilamanki, mazkur turda o'z muxlislarimizni xursand qilamiz, - dedi "Neftchi" futbolchisi Dilyorbek Ermatov.

Eslatib o'tamiz, bugun Farg'ona shahridagi "Istiqlol" o'yingohida "Neftchi" - "Lokomotiv" bahsi bo'lib o'tadi. O'yin soat 18:30ga belgilangan.

"Neftchi" matbuot xizmati