Zabihillo O'rinboev: “Qo'limizdagi imkoniyatdan foydalana ololmadik”

Ushbu bahsdan so'ng “Bunyodkor klubi futbolchisi Zabixillo O'rinboev o'z fikrlari bilan o'rtoqlashdi.

-  “Mashal” qarshi o'yin biz uchun juda ham og'ir o'tdi, chunki raqibga mag'lub bo'lishimiz ham mumkin edi. Agarda vaziyatlardan to'g'ri foydalanganimizda g'alabani ilib ketishimiz hech gap emas edi. “Mashal” himoyaviy o'yin ko'rsatgani uchun ham birinchi bo'limda unchalik yaxshi harakat qilaolmadik. Raqib darvozasini ishg'ol qilish qiyin bo'ldi. Raqiblarimizni himoyada tarkibli o'yin ko'rsatdi deya olmayman.

Ikkinchi bo'limda ko'rsatgan o'yinimizni birinchi bo'limda ko'rsatkanimizda g'alaba qozonardik deb ayta olaman. Birinchi bo'limga qaraganda ikkinchi bo'limda yaxshiroq imkoniyatlarga ega bo'ldik. O'yin uslubi qanchalik past bo'lsa ham har bir jamoa o'z uyida juda ham kuchli o'yin namoyish etadi. “Bunyodkor”ga qarshi ikki, uch baravar kuch bilan qarshilik ko'rsatishadi. Balki boshqa jamoaga qarshi bunchalik o'yin ko'rsata olmas.

Agarda g'alaba qozonganimizda “Lokomotiv” bilan ochkolar orasidagi tafovvut 2 ochkoga qisqarar edi. Ayni damda “temiryo'lchilardan” 5 ochko ortda boryapmiz. Qo'limizdagi imkoniyatdan foydalana ololmadik. Qolgan uchrashuvlarda mag'lub bo'lishga haqqimiz yo'q. Hozircha murabbiylar shtabidagilar ushbu o'yin haqida hech nima demadi. Yana bir yoki ikki kundan so'ng “Mashal” bilan bo'lgan uchrashuvni tahlil qilib qaerda xatolikka yo'l qo'yilgan bo'lsa o'sha xatolar ustida ishlaymiz va bartaraf etamiz”, - deydi “Bunyodkor” klubi futbolchisi Zabixillo O'rinboev.

Jahongir Sotvoldiev