Baxtiyor Hamidullaev: “Musobaqa tashkilotchilariga katta rahmat”
/ Kiritdi: BestMaster O'qilgan: 1086
Bir necha kun davomida Andijon shahrida Championat.asia sayti hamda BFC Asia jamoasi hamkorligi ostida 2005 yilda tug'ilgan bolalar o'rtasida “Paxtakor-79” xotira turniri bo'lib o'tdi.
Unda Toshkent, Farg'ona, Namangan va Andijondan jamoalar ishtirok etishdi. Mahalliy muxlislarda ham ushbu turnir katta taassurot qoldirdi. SHuningdek, Andijon futbolida o'z o'rniga ega bo'lgan taniqli sobiq futbolchi Baxtiyor Hamidullaev ham mazkur bolalar o'rtasidagi musobaqaga befarq bo'lmadi. U yopilish marosimida bolalarni taqdirladi. SHundan so'ng o'z fikrlari bilan o'rtoqlashdi.
- Bolalar ishtirokidagi o'yinlarni ko'rib yoshligimni esladim. SHu o'rinda musobaqani ko'tarinki ruhda uyushtirgan tashkilotchilarga ham katta rahmat. Bolalar futbolini rivojlantirishda katta hissa qo'shishyapti. Bizning yoshligimizda bu darajadagi turnirlar uyushtirilmasdi. Mamlakatimiz mustaqillikka erishganidan keyin hamma sohaga bo'lgani kabi sportga va xususan futbolga ham katta etibor berilyapti. Bolalar futboliga jiddiy qaralyapti. Bundan faqat xursandmiz.
- Yosh paytimizda asfaldlarda to'p tepib katta bo'lganmiz. Maydon haqida esa gapirmayapman. Hozirgi yoshlarga yaratilayotgan sharoitlarni ko'rib havasim kelyapti. 10-11 yoshli bolalar uchun barcha sharoitlar bor. Masalan, men birinchi marta 15 yoshimda butsa kiyganman. Hozirgi yoshlarimizga yaratilayotgan sharoitlardan faqat quvonish kerak.
- Bolalarga medal taqayotganimda kelajakda ham ko'plab sovrinlarni yutishlarini va chempion medallarini taqishlarini xohladim. Munosib futbolchi bo'lib etishishlarini va O'zbekiston futboliga o'z hissasini qo'shishlarini istayman, - deydi Baxtiyor Hamidullaev.
Firdavsxon
Bosh sahifaga
219