O'zbekiston – Burkina-Faso uchrashuvini SHerzod Qosimov boshqarib boradi

2016-08-16 13:40:16 / Kiritdi: BestMaster O'qilgan: 1183

Jahon chempionati-2018 saralashining uchinchi bosqichiga tayyorgarlik ko'rayotgan O'zbekiston milliy terma jamoasining 24 avgust kuni bo'lib o'tadigan o'yinni SHerzod Qosimov boshchiligidagi hakamlar brigadasi boshqaradi.

Toshkentda bo'lib o'tadigan ushbu xalqaro o'rtoqlik uchrashuvida Qosimovga qanotlarda Mamur Saidqosimov hamda Ruslan Serazitdinov yordam beradi.

To'rtinchi hakam sifatida bu o'yinga Dmitriy Pislegin tayinlangan.

Eslatib o'tamiz, O'zbekiston milliy terma jamoasi o'zining navbatdagi yig'inini 20 avgustdan boshlaydi. Ushbu yig'in davomida bitta o'rtoqlik uchrashuvi o'tkazish rejalashtirilgan. Burkina-Fasoga qarshi uchrashuv “Paxtakor” stadionida 20:00da boshlanadi.

Teglar: ozbekiston, burkina-faso, uchrashuvini, sherzod, qosimov, boshqarib, boradi,
← Oldinga Orqaga →