“Sevinch” ertaga kubok bahslarini boshlaydi

Kubok uchun kurashda jamoamizning ilk raqibi birinchi liga ishtirokchisi Termizning “TerDU Surxan” jamoasi bo'ladi. Uchrashuv 17 avgust kuni “Geolog” stadionida soat 08:00da boshlanadi.

“TerDu Surxan” jamoasi bir necha yillardan buyon O'zbekiston Birinchiligida ishtirok etib keladi va liganing etakchilaridan biri hisoblanadi. Ushbu jamoa ayni paytda ham birinchi liga turnir jadvalida karvonboshilik qilmoqda.

Jamoamiz esa, oliy liganing birinchi davrasini muvaffaqiyatli tamomlab, ayni kunlarda ikkinchi davraga tayyorgarliklarni davom ettirmoqda. Eslatib o'tamiz, “Sevinch” jamoasi oliy liga birinchi davrasi uchrashuvlarining barchasida g'alaba qozonib, turnir jadvalining birinchi pog'onasini egallab turibdi.

Demak, ertaga quyi liga va oliy liga etakchilari o'rtasidagi uchrashuvga guvoh bo'lamiz.

XV O'zbekiston kubogi, dastlabki bosqich

“Sevinch” (Qarshi) – “TerDU Surxon” (Termiz)
17.08.2016. “Geolog” stadioni. Soat 08:00da
Bosh hakam: Jasur Qudratov (Samarqand)
Yordamchi hakamlar: Olimjon Abduxalimov (Navoiy), Marjona Rahmatqulova (SHaxrisabz)
Zaxira hakami: Husnora Jumaeva (Qarshi).
Nazoratchi: Maxmud SHaripov (Buxoro).

Ushbu juftlik g'olibi keyingi bosqichda “Buxoro W” – “SHo'rtan Lady” juftligi g'olibi bilan bahs olib boradi.